| |
• Адам Глобус [e,ф,8]
• Аксана Бязьлепкіна [e,2]
• Алесь Аркуш [i,e,ф,6]
• Алесь Разанаў [1]
• Аляксей Бацюкоў [e,2]
• Аліса Бізяева [i,e,ф,17]
• Андранік Антанян [i,e]
• Андрэй Дынько [i,e,ф,3]
• Андрэй Курэйчык [i,e]
• Андрэй Хадановіч [i,e,ф,12]
• Валерыя Кустава [i,e,2]
• Валянцiн Акудовiч [i,e,ф,1]
• Вольга Караткевіч [i,e]
• Віктар Сьлінко [2]
• Віктар Сямашка [i,e,1]
• Вінцэсь Мудроў [i,e,ф]
• Ганна Гершвін [e,1]
• Ганна Кiслiцына [i,e,ф,7]
• Зьміцер Арцюх [e,1]
• Зьміцер Бартосік [i,e,ф]
• Зьміцер Вішнёў [i,e,ф,3]
• Зьміцер Дзядзенка [e,1]
• Людка Сільнова [1]
• Людміла Рублеўская [i,e]
• Лявон Вашко [4]
• Лявон Вольскі [i,e]
• Лявон Юрэвiч [i,e,ф,2]
• Маnn Kurt [i,e,ф,14]
• Макс Шчур [e,2]
• Марыя Мартысевіч [i,e,2]
• Мікола Папека [i,e,1]
• Міра Лукша [i,e,1]
• Павал Сьвярдлоў [i,e,1]
• Павел Абрамовiч [i,e,3]
• Павел Надольскi [i,e]
• Палівач [e]
• Пятро Васючэнка [1]
• Севярын Квяткоўскі [i,e]
• Серж Мiнскевiч [i,e,ф,1]
• Славамір Адамовіч [1]
• Сяргей Астравец [i,e,1]
• Сяргей Сматрычэнка [e,1]
• Сяргей Шыдлоўскі [i,e,ф,1]
• Тацяна Сьлінка [e,ф]
• Уладзімер Арлоў [i,ф,1]
• Усевалад Гарачка [e,2]
• Францiш Богуш [e,1]
• Цiна Клыкоўская [e,1]
• Юрась Барысевіч [e,1]
• Юры Гумянюк [i]
• Ігар Бабкоў [e,7]
• Ігар Сiдарук [i,e]
• Ўжо ня дзевачка... [i,e,ф,1]
• Ільля Сін [i,e]
• Інэса Кур`ян [e]
• Ірына Хадарэнка [i,e,ф]
i - толькi iнфармацыя
е - ёсьць email
ф - ёсьць фота
лiчба - колькасьць матэрыялаў зьвязаных з аўтарам |
|
| | Скарыны ня будзе, ARCHE застаецца
 Аліса Бізяева, 19 лiпеня 2002
Зьмяняецца канцэпцыя часопісаў ARCHE. ARCHE-Скарына, які зьмяшчаў аналітыку, крытычныя агляды, эсэі і рэцэнзіі, больш выходзіць ня будзе.
Гэта значыць, што больш ня будзе тоўстых і тонкіх нумароў ARCHE. Раз на два месяцы цяпер чытачы пабачаць толькі адзін, на 170-200 старонках, і гэты часопіс будзе адрозьнівацца ад ранейшага.
Зьмены выкліканыя тымі падзеямі, што адбываюцца на рынку літаратурна-публіцыстычных выданьняў Беларусі. Закрыцьцё “Крыніцы”, стварэньне голдынгу літаратурна-мастацкіх часопісаў пазбавіла шмат якіх пісьменьнікаў месца для публікацыі сваіх твораў. Валерка Булгакаў – галоўны рэдактар ARCHE – распавёў пра новае ў тэматычным фармаце выданьняў.
— Сёлета ARCHE выйдзе шэсьць разоў. Рэальна апошнія нумары могуць выйсьці пры канцы гэтага году – пачатку наступнага. Мы будзем адмаўляцца ад тэматычных нумароў, але сёлета выйдзе дзіцячы нумар ARCHE, які мы ўжо падрыхтавалі. Справа ў тым, што рыхтуючы тэматычныя нумары, мы падпарадкуемся пэўнай спакусе: ёсьць такія арганізацыі, якія могуць матэрыяльна падтрымаць тэматычны нумар часопісу. І мы мусім рэагаваць на такія магчымасьці.
–- Ці можна спадзявацца, што ARCHE будзе выходзіць рэгулярна, напрыклад раз на месяц?
–- Гэта найбальнейшая праблема. Папросту мы ўсе залежныя ад бягучай культурнай, нават міжнароднай, кан’юнктуры, ад нейкіх фактараў, якія ўплываюць на нашую работу і якія мы нават не адчуваем. А па-другое, у адрозьненьні ад газэты, тыднёвіка, часопіс не разглядаецца як інфармацыйнае выданьне. Правільна, што калі стаць дагары нагамі, магчыма, удалося б прабіць штомесячны выпуск. Але гэта вымагае калясальнае канцэнтрацыі. А ў сытуацыі, калі адсутнічае сталы штат, сталая сядзіба, папросту няма разьвітай інфраструктуры часопіса, то гэта мала рэальна.
У сытуацыі рэзкай ломкі ў прасторы беларускіх літаратурна-мастацкіх часопісаў мы вырашылі адмовіцца ад чаргаваньня тоўстага і тонкага нумароў, пераўтварыцца ў літаратурны часопіс з шырэйшай аўдыторыяй.
— Ці пашырыцца кола аўтароў і чытачоў са зьмяненьнем канцэпцыі?
— Канцэпцыя толькі цяпер пачынае вымалёўвацца. Я паставіў задачу пабольшыць тыраж з 1100 да 1300 асобнікаў. Мы хочам падтрымаць аўтараў, якія былі звольненыя з дзяржаўных часопісаў і, магчыма, прапанаваць ім нейкую працу на той час, пакуль яны ня знойдуць нешта іншае.
— Але “Скарына” з-за свайго невялікага фармату мог выдавацца часьцей, і гэта значыць, даваць больш актуальную інфармацыю?
— Ёсьць адваротны бок праблемы ў тым, што часопіс ARCHE-Скарына горш прадаваўся за тэматычныя нумары. Наш чытач прызвычаіўся купляць нячаста, але таўсьцейшыя часопісы. Справа ў тым, што наш часопіс часткова самаакупны і мы вельмі залежныя ад таго, наколькі добра ён прадаецца.
Усё, што было ў Скарыне, будзе й у новым ARCHE. У нашым рэдакцыйным партфэлі ўжо зараз ёсьць 110 тэкстаў, а гэта на сем нумароў наперад. Публіцыстыка, якая раней галоўным чынам друкавалася ў “Скарыне”, інтэгруецца ў новы часопіс. Мы будзем працягваць дасьледаваць і найбольш актуальныя палітычныя пытаньні, але больш дасканалы іх разгляд будзе ажыцьцяўляцца ў межах аналітычнага і выдавецкага праекту Фонду ARCHE.
У новым ARCHE будзе больш літаратурных тэкстаў. У наступным нумары чытач пабачыць творы Ўладзімера Арлова (аповеды “Маша і мядзьведзі”), Алеся Разанава (паэзія пад назвай “Заваёўнікі”), Славаміра Адамовіча (Амэрыканскі дзёньнік “Як я зарабіў дзесяць тысяч даляраў”) ды іншых аўтараў, якіх раней не было на старонках часопіса. А пераклады іншамоўных тэкстаў цяпер будуць больш скіраваныя на беларускую сытуацыю, у першую чаргу літаратурную. Юрась Бушлякоў назваў новы часопіс “Полымем” XXI стагодзьдзя”.
 чытаць 1 камэнтар, вэрсiя для друку | |
| |
